U zgjodh drejtuese politike e Qarkut të Fierit, Balluku: E vlerësuar dhe shumë e motivuar

16:55 | 8 Shtator 2024
E.G

Zëvendëskryeministrja e Shqipërisë, Belinda Balluku nëpërmjet një postim në rrjetet e saj sociale deklaroi se ndjehet e nderuar për marrjen e detyrës së drejtimit politik të qarkut të Fierit.

Ajo u shpreh se mesazhet dhe urimet ia shtojnë përgjegjësinë teksa kërkoi që secili të ndihet pjesë e një skuadre të madhe që do të punojë për fitoren në zgjedhjet e 2025-tës, shkruan Arbresh.info.

“Ndihem e vlerësuar dhe shumë e motivuar me detyrën e re të caktuar nga Kryetari, @ediramaal për të drejtuar qarkun e Fierit, zemrën e Partisë Socialiste! Qindra mesazhe dhe urime, të cilat më shtojnë përgjegjësinë dhe përulësisht dua që secili prej jush të jetë dhe të ndihet pjesë e një skuadre të madhe, që do të punojë me përkushtim për fitoren në #zgjedhjet2025 , ashtu si vetëm socialistët dinë të punojnë. Së bashku ne gjithmonë ia dalim!”, ka shkruar ajo./Arbresh.info/